Blog Details

*रायगडला पाच नवीन रोप-वे प्रकल्पांना मंजुरी; पर्यटन आणि स्थानिक विकासाला मोठी चालना*.

  रायगड जिल्ह्यातील पर्यटनाला नवी गती देण्यासाठी राज्य शासनाने पाच महत्त्वाकांक्षी रोप-वे प्रकल्पांना मंजुरी दिली आहे. या निर्णयामुळे ऐतिहासिक, धार्मिक आणि पर्यटन स्थळांपर्यंतचा प्रवास अधिक सुरक्षित, जलद आणि सोयीस्कर होणार आहे.

मंजूर करण्यात आलेल्या प्रकल्पांमध्ये *नेरळ ते माथेरान, **रायगड किल्ल्याचा पायथा ते रायगड किल्ला, **अलिबाग किनारा ते कुलाबा किल्ला, **घारापुरी (एलिफंटा) लेणी* आणि *अलिबागमधील श्री क्षेत्र कनकेश्वर डोंगर* या महत्त्वाच्या स्थळांचा समावेश आहे.

या रोप-वे प्रकल्पांमुळे पर्यटकांचा प्रवास अधिक सुलभ होणार असून ज्येष्ठ नागरिक, दिव्यांग आणि लहान मुलांनाही ऐतिहासिक व धार्मिक स्थळांना सहज भेट देता येणार आहे. तसेच पर्यटन व्यवसाय, स्थानिक रोजगार आणि परिसरातील आर्थिक विकासालाही मोठी चालना मिळण्याची अपेक्षा व्यक्त केली जात आहे.

हे सर्व प्रकल्प केंद्र सरकारच्या *पर्वतमाला योजने*अंतर्गत राबविण्यात येणार असून, राज्यातील दुर्गम आणि पर्यटनस्थळांना आधुनिक वाहतूक सुविधांद्वारे जोडण्याचा सरकारचा उद्देश आहे. प्रशासनाकडून आवश्यक प्रक्रिया पूर्ण झाल्यानंतर प्रकल्पांच्या उभारणीचे काम टप्प्याटप्प्याने सुरू होणार आहे.